|
Le Recerca de Imagines de Google es le plus comprehensive del Web, con in excesso de 250 imagines in le indice e disponibile pro visualisar. Pro usar iste recerca, vade al recerca avantiate o http://www.google.com/imghp?hl=ia e entra un question in le cassa de recerca pro imagines, alora clicca le button "Cerca". In le pagina de resultatos, simplemente clicca le miniatura pro vider un version plus grande del imagine, in addition al pagina web del qual le imagine es parte. (Nota ben: pro acceder a isto, tu debe seliger anglese como lingua de interfacie in le pagina de preferentias.)
Le imagines identificate per le servicio Recerca de Imagines de Google pote esser protecte per derectos de autor. Ben que tu pote localisar e acceder al imagines via nostre servicio, nos non pote accordar ulle derectos de uso a ulle proposito altere que visualisar los in le web. In concordantia, si tu vole usar un imagine trovate via nostre servicio, nos te avisa de contactar le proprietario del sito pro obtener le permissiones requisite.
ATTENTION: Le resultatos que tu vide con iste function pote continer contento adulte. Google considera un numero de factores in le determination del relevantia de un imagine a tu requesta de recerca. Ma iste methodos non es perfecte, e es possibile que tu videra alcun imagines inappropriate.
Pro plus informationes super iste function, per favor lege le Questiones Frequente super le recerca de imagines.
Google elimina le barriera linguistic con un nove function de traduction (BETA). Con technologia de traduction machinal, Google hodie permitte a anglophonos acceder a un varietate de paginas web non-anglese.
Si un recerca ha resultatos non-anglese, se presentera un ligamine a un version de ille pagina traducite a anglese.
Si tu vole que le titulos e summarios del resultatos equalmente sia traducite in anglese, activa le option de traduction in le pagina de preferentias. Con le activation de iste function, Google traduce automaticamente tu resultatos de recerca in anglese.
Pro plus informationes super iste function, per favor lege le Questiones Frequente super le traduction.
Le resultatos de recerca de Google hodie include files in formato Portable Document Format (PDF) de Adobe. Ben que files PDF non es si abundante como files HTML, illos sovente contine information de alte qualitate que non es disponibile alterubi.
Pro indicar que un resultato specific es un file PDF e non un pagina web, appare un indication blau [PDF] in fronte del titulo. Isto indica que le programma Acrobat Reader essera lanceate pro visualisar le file. Clicca super le ligamine al dextra de [PDF] pro acceder al documento PDF. (Si tu non ha Acrobat Reader in tu computator, on te dirigera a un pagina web ubi tu pote discarcar lo gratis.)
Con files PDF, le ligamine familiar "In cache" es reimplaciate con "Version textual". Le version textual es un copia del documento PDF sin alcun commandos de formato.
Si tu prefere vider un lista de resultatos sin ligamines PDF, simplemente typa -filetype:pdf in le area de texto insimul a tu termino(s) de recerca.
Google captura cata pagina examinate durante le exporationes in cache como un copia de reserva in caso de non-disponibilitate del original. Si tu clicca super le ligamine "In cache", tu videra le pagina web como illo esseva addite al indice. Le contento in cache es usate per Google pro judicar le relevantia de iste pagina a tu recerca.
Le monstra del pagina in cache includera un capite que servi como rememoration que isto es le version in cache e non le pagina original. Terminos que corresponde con tu recerca es accentuate in le version del cache pro facilitar vider le relevantia.
Le ligamine "In cache" manca pro sitos que ancora non es includite in le indice, e pro sitos cuje proprietarios nos ha demandate de eliminar le contento del cache.
Si tu clicca super un ligamine "Paginas similar" de un resultato de recerca, Google cercara automaticamente paginas connexe a iste resultato.
Le ligamine "Paginas similar" es utile de multe manieras. Si un sito te place, ma tu desira que illo habeva plus a dicer, iste ligamine pote trovar sitos con contento similar que tu forsan non cognosce. Si tu cerca informationes de productos, "Paginas similar" pote trovar informationes competitive a te, assi que tu pote obtener le articulo al plus bon mercato. Si tu es interessate in recercar un campo particular, illo pote adjutar te trovar un grande numero de ressources multo rapidemente, e tu non perde tempore occupar te del parolas clave que pote esser usate in ille sitos.
Google trova paginas similar pro multe milliones de paginas web. Nonobstante, quanto plus profunde le specialisation de un pagina, tanto minus resultatos nos pote trovar. Per exemplo, Google forsan non pote trovar paginas connexe a tu pagina domestic personal, si illo non ha bastante informationes pro associar con autoritate altere paginas al tue. In ultra, si companias usa plure URLs pro lor paginas (como google.com e www.google.com), il pote haber poc informationes super un URL ma plus super un altere. In general, nonobstante, "Paginas similar" functiona ben pro le majoritate de paginas web.
Alcun parolas, sequite per duo punctos, ha significatos special a Google. Un tal parola pro Google es le operator link:. Le cerca link:
| exemplo: |
Alcun parolas, sequite per duo punctos, ha significatos special a Google. Un tal parola es le operator "site:". Pro cercar un specific dominio o sito, usa le syntax "site:exemplo.com" in le area de entrata de texto.
Per exemplo, pro trovar informationes de pressa in le sito de Google, entra:
| exemplo: |
Le button "Io me senti fortunate" automaticamente te porta al prime pagina que es retornate pro tu consulta. Tu non videra le altere resultatos del toto. Le option "Io me senti fortunate" sparnia tempore de recerca e te lassa plus tempore pro leger paginas web.
Per exemplo, pro trovar le pagina principal del universitate de Stanford, simplemente entra Stanford in le area de texto e clicca le button "Io me senti fortunate". Google te duce directemente a "www.stanford.edu", le sito official del universitate de Stanford.
| exemplo: |
Tu te senti fortunate?
