Politica de confidentialitate de Google

Google respecta e protege le confidentialitate del personas que usa le servicios de motor de recerca de Google ("Servicios de Recerca de Google"). Nulle informationes que te identifica individualmente es revelate a ulle tertie partito sin reciper tu permission anterior, como explicate in iste politica de confidentialitate ("Politica de Confidentialitate").

A tu prime visita a Google, Google invia un "cookie" a tu computator. Un cookie es un pecie de datos que te identifica como un usator specific. Google usa cookies pro meliorar le qualitate de nostre servicio e le comprension de nostre base de usatores. Google face isto per immagazinar le preferentias del usator in cookies e per sequer tendentias e patronos de como gente cerca. Google non revelara su cookies a tertie partitos excepte como requirite per un valide processo legal como un mandato de perquisition, citation, statuto, o ordine judicial.

Le major parte de navigatores es configurate del initio pro acceptar cookies. Tu pote reconfigurar tu nativator pro refusar omne cookies o pro indicar lo quando un cookie es inviate. Sia conscie, nonobstante, que alcun partes del Servicio de Recerca de Google forsan non functiona correctemente si tu refusa cookies.

Google non collige ulle informationes unic super te (como tu nomine, adresse electronic, etc.) excepte si tu specifica- e conscientemente forni tal informationes. Google nota e immagazina informationes como le tempore del die, typo de navigator, lingua de navigator, e adresse IP con cata cerca. Iste informationes es usate pro verificar nostre recordos e pro fornir servicios plus relevante al usatores. Per exemplo, Google pote usar tu adresse IP o lingua de navigator pro determinar le lingua a usar quando se monstra le resultatos de un recerca o annuncios commercial.

Le sitos monstrate como resultatos de recerca, o al quales liga le Servicios de Recerca de Google, es disveloppate per personas super le quales Google exerce nulle controlo. Altere ligamines, como illos pro le archivo del lista de distribution Google-friends, anque es in sitos non sub le controlo de Google. Iste altere sitos pote inviar lor proprie cookies a usatores, colliger datos, o sollicitar informationes personal. Google pote optar pro exhibir su resultatos de recerca in forma de un "redirector de URL". Quando Google usa un redirector de URL, si tu clicca super un URL de un resultato de recerca, informationes super iste clic es inviate a Google, e Google in torna te invia le sito super le qual tu cliccava. Google usa iste informationes de URL pro comprender e meliorar le qualitate del technologia de cerca de Google. Per exemplo, Google usa iste informationes pro determinar quanto sovente usatores es satisfacte con le prime resultato de un cerca e quanto sovente illes procede a resultatos ulterior.

Google pote revelar informationes super te con annunciatores, associatos commercial, patrocinatores, e altere tertie partitos. Nonobstante, nos divulga unicamente informationes aggregate super nostre usatores e non revelara informationes personalmente identificabile con ulle tertie partito sin tu explicite permission. Per exemplo, nos pote revelar quanto frequentemente le medie usator de Google visita Google, o qual altere parolas clave es entrate le plus sovente con le parola clave "Linux". Per favor sia conscie, nonobstante, que nos rendera disponibile specific informationes personal super te si ulle valide processo legal lo require, como un mandato de perquisition, citation, statuto, o ordine judicial.

Per usar le Servicios de Recerca de Google e nostre sito web, tu consenti al collection e uso de tu informationes secundo le methodos specificate in iste politica e in nostre politica de Conditiones de Servicio. Google pote decider a cambiar iste Politica de Confidentialitate de tempore in tempore. In tal caso, nos publicara le cambios in iste pagina assi que tu sempre ha cognoscentia del informationes que nos collige, como nos los usa, e sub qual circumstantias nos los revela.

Non hesita contactar nos, e nos respondera a omne questiones tue. Nostre adresse electronic es help@google.com.