Le mission de Google es delivrar le optime experientia de cerca in Internet per facer le information del mundo universalmente accessibile e utile. Google, disveloppator del motor de recerca le plus grande in le mundo, offere le maniera le plus rapide e facile pro trovar informationes in le Web. Per acceder a plus que 1,3 billiones de paginas web, Google delivra resultatos relevante a usatores in tote le mundo, typicamente in minus que un medie secundo. Hodie, Google responde a plus que 100 milliones de questiones de cerca per die.
Duo studentes doctoral a Stanford, Larry Page e Sergey Brin, fundava Google in 1998. Le compania private annunciava in 1999 le assecuration de $25 milliones in fundos de equitate. Le associatos de fundos del companbia include Kleiner Perkins Caufield & Byers e Sequoia Capital. Google delivra su servicios via su proprie sito public, www.google.com. Le compania anque offere solutiones de recerca web co-marcate pro fornitores de contento informational.
In re le technologia de Google
Le technologia de recerca innovative de Google e le designo de interfacie elegante distingue Google del altere motores de recerca de hodie. Google non solmente usa parolas clave o metadatos, ma es basate super le technologia avantiate PageRank™, que assecura que le resultatos le plus importante sempre es monstrate primarimente.
PageRank mesura objectivemente le importantia de paginas web, calculate per solver un equation de 500 milliones de variabiles e plus que 2 milliardos de terminos. PageRank usa le vaste structura de ligamines del web como un instrumento organisative. In essentia, Google interpreta un ligamine in Pagina A a Pagina B como un "voto" de Pagina A pro Pagina B. Google determina le importantia de un pagina per le votos que illo recipe. Google anque analysa le pagina que face le voto.
Le methodos de cerca complexe e automatic de Google preclude le interferentia human. Alteremente que altere motores de recerca, Google es structurate assi que nulle persona pote comprar un position plus alte o alterar commercialmente le resultatos. Un cerca con Google es un modo honeste e objective de trovar facilemente sitos web de alte qualitate.
Dr. Eric E. Schmidt, presidente e director general
Larry Page, co-fundator & presidente de productos
Sergey Brin, co-fundator & presidente de technologia
Omid Kordestani, vice-presidente de disveloppamento commercial & venditas
Wayne Rosing, vice-presidente de technologia
Cindy McCaffrey, vice-presidente de communicationes corporative
Joan Braddi, vice-presidente de servicios de cerca
Tim Armstrong, vice-presidente de venditas de annuncios
Urs Hölzle, associato de Google
Craig Silverstein, director de technologia
Le significato de Google
Google es un joco con le parola 'googol', que esseva inventate per Milton Sirotta, nepote del mathematico american Edward Kasner, pro referer al numero representate per 1 sequite per 100 zeros. Le uso per Google del termino reflecte le mission del compania a organisar le immense quantitate de information disponibile in le web e in le mundo.
