Introduction
Google vive in un combination unic de hardware e software avantiate. Le rapiditate que tu resenti pote esser attribuite in parte al efficientia de nostre algorithmo de recerca e partialmente al milles de computatores de bon mercato que nos ha combinate in un rete pro crear un motor de recerca super-rapide.
Le corde de nostre software es PageRank(TM), un systema pro rangiar paginas web disveloppate per nostre fundatores Larry Page e Sergey Brin apud le universitate de Stanford. E ben que nos ha dozenas de ingenieros qui labora cata die pro meliorar omne aspecto de Google, PageRank continua a fornir le base pro tote nostre instrumentos de recerca del web.
PageRank explicate
PageRank depende super le unic natura democratic del web per usar le vaste structura de ligamines de illo como un indicator del valor del pagina individual. In essentia, Google interpreta un ligamine de pagina A a pagina B como un voto, de pagina A, pro pagina B. Sed, Google reguarda plus que le pur volumine de votos, o ligamines que un pagina recipe; illo anque analysa le pagina que face le voto. Votos facite per paginas que es mesme "importante" es plus pesante e adjuta a facer altere paginas "importante".
Sitos importante e de alte qualitate recipe un PageRank plus alte, le qual Google rememora cata vice que illo conduce un cerca. Naturalmente, paginas importante non importa a te si illos es irrelevante a tu question. Dunque, Google combina PageRank con technicas avantiate de comparation de texto pro trovar paginas que es importante e relevante a tu cerca. Google se profunda longemente ultra le numero de vices que un termino occurre in un pagina, e examina omne aspectos del contento del pagina (e le contento del paginas ligante a illo) pro determinar si illo corresponde ben a tu cerca.
Integritate
Le methodos complexe e automatic de Google rende le modification human de nostre resultatos extrememente difficile. E ben que nos include annuncios relevante in le alto e al latere de nostre resultatos, Google non vende placiamento intra le resultatos mesme (i.e., nulle persona pote comprar un PageRank plus alte). Un cerca con Google es un maniera facile, honeste e objective pro trovar sitos web de alte qualitate con information relevante a tu cerca.
Rationes pro usar Google
Proque Google delivra le resultatos de cerca le plus relevante--primarimente e rapidemente! Le tremende quantitate de informationes in le web require un servicio de recerca excellente pro render iste informationes accessibile e utile. Sin un instrumento de recerca forte, trovar un sito web specific pote esser difficilissime, si non impossibile.
Google duce ordine al web.
Google es designate pro imponer ordine a chaos de information. Illo es lo que un servicio de recerca debe esser; non un catalogo redigite e limitate o un lista de resultatos auctionate al major offerente, ma un methodo intelligente de organisar Internet secundo su proprie structura.
Google permitte al usatores cercar plus que 1 milliardo de URLs.
Le indice de Google, que comprehende plus que 1 milliardo de URLs, es le prime de su sorta e representa le collection le plus comprehensive del paginas web le plus utile in Internet.
Google rende solo paginas que include le terminos que tu typa.
Non como multe altere motores de recerca, Google produce solo le resultatos que corresponde a tote tu terminos de recerca, o in le texto del pagina o in le ligamines que puncta al pagina. Finite le frustration con resultatos irrelevante a tu terminos de recerca.
Google honora le location de tu terminos de recerca intra un pagina.
Non solo le resultatos de Google contine tote tu terminos de recerca, ma Google anque analysa le proximitate de iste terminos intra un pagina. Non como multe altere motores, Google ordina le resultatos secundo le proximitate de terminos de recerca. Nos favori resultatos in le quales tu terminos es proxime a le un le altere, assi que tu perde minus tempore percurrente resultatos irrelevante.
Google offere un previsualisation relevante de cata rendition.
In vice de summarios de paginas web que nunquam cambia, Google face un extracto del texto que corresponde a tu question e lo include in le resultatos de recerca. Iste function te sparnia le tempore e frustration de cargar un pagina web irrelevante.
Google te face sentir te fortunate!
Google excelle in producer le correcte resultatos primarimente pro questiones commun como nomines de companias. Nos es tanto confidente, de facto, que nos ha installate un button "Io me senti fortunate", que te duce directemente al sito web del prime resultato de recerca. Le function "Io me senti fortunate" es designate pro ducer te a informationes utile rapidemente.
Google immagazina paginas in cache.
Google immagazina multe paginas web in su cache como copias de reserva disponibile a te in caso de un fallimento temporari del servitor del pagina. Visualisar iste material del cache pote sovente esser multo plus rapide que sequer le ligamine regular, ben que le informationes que tu recipe pote esser minus actual.
