Литературно-биографической экскурсия
Пан Реймит
1892–1949
Прозаик, драматург, кылбурчи, кылысь кылэ берыктӥсь, литературовед. Нырысетӥ удмурт исторической поэмалэн но нырысетӥ романлэн авторез.
1910–1911-тӥ аръёсы Кедра Митрей ӟуч кылын «Дитя больного века» асулонсюрес повестьсэ гожтэ. Повестьын валтӥсь инты басьтэ егит муртлэн аслэсьтыз улон сюрессэ эскеремез, аслаз вамышъёсызлы валэктон утчамез но дунъет сётэмез. Герой вакчияк маде школаын но Зураысь училищеын дышетскемез сярысь. Тросгес саклык висъя Кузонысь семинариын дышетскемзэ возьматонлы. Асулонсюрессэ вераназ со пыртэ ас гуртэзлэсь но семьяезлэсь историзэ, чебересь инкуазь суредъёсты но туж трос пӧртэм адямиослэсь портретъёссэс.
Та повестьын Кедра Митрей даурлэсь «висёнъёссэ» — шекъёссэ возьматыны малпа вылэм. Но цензура та повестез печатланы ӧз лэзь, со 1993-тӥ арын гинэ печатласькиз
1915–1928-тӥ аръёсы Кедра Митрей удмурт батыръёс сярысь «трилогиез» бордын ужа. Гожтэ «Эш-Тэрек» но «Идна батыр» трагедиоссэ, «Юбер батыр» поэмазэ.
Критика слишком общо осуждала, клеймила национализм «батырского цикла», требовала от автора классового отражения роли народных масс. Нетерпеливая критика не принимала во внимание, что формирующаяся литература малых народов всегда начинается с воспоминаний о прошлом (см. «Калевалу», «Легенды поручика Сталя», «Каливопоэг», «Бегство Залана», произведения К. Жакова, М. Лебедева, С. Чавайна, Д. Морского и т.д.).
П. Домокош
1929-тӥ арын Кедра Митрейлэн «Секыт зӥбет» романэз потэ. Со луэ нырысетӥ удмурт роман. Романлэн сюжетэз азинтӥське XIX-тӥ даурлэн кутсконаз. Валтӥсь малпанэз — удмуртъёс пӧлы православной осконэз кужмысь пыӵатонэз возьматон.
1937-тӥ арын Кедра Митреез, буржуазной националист но удмурт калыклэн тушмонэз шуыса, янгыше уськыто. Та арын ик сое тямыс арлы Колымае келяло. 1946-тӥ арын сое мозмыто, нош 1948-тӥ арын выльысь пукто.
1949-тӥ арын Новосибирск улосысь Чумаково черкогуртын удмурт калыклэн одӥгез дано пиез висьыса кулэ.
Кыӵе гинэ тема борды ӧз кутскылы писатель — солэн вань ужъёсыз улонлэн куремезъя кылдылӥзы кадь. Кедра Митрейлэн творчествоез пыр адӟиське удмурт калыклэн историысьтыз пӧртэм люкетъёсыз: кемалась ортчемез но («Секыт зӥбет»), граждан ож но («Вужгурт», «Шӧртчи Ондӥ»), колхозъёслэн кылдэмзы но («Зурка Вужгурт»). <…>
Калык уг вунэты Кедра Митреез — удмурт литературалы но литературной кыллы нырысь сюрес лёгем муртэ.
А. А. Ермолаев
Могучий просветительский и творческий полет Кедра Митрея был прерван в то время, когда он после участия на I съезде Союза писателей СССР, встречи с Горьким, приступил к осуществлению масштабных замыслов, возникших ещё в дореволюционный период,— создать художественную историю удмуртского народа от XV до XX вв. Частично этот замысел он осуществил, написав трагедии «Эш-Тэрек», «Идна-батыр», поэму «Юбер батыр», повесть «Вужгурт» («Старя деревня»), роман «Секыт зӥбет» («Тяжкое иго»).
З. А. Богомолова
1992 арын Эгра черкогуртын Кедра Митрейлы вордӥськем дырысьтыз 100 ар тырмонэзлы сӥзьыса пуктэмын синпелет.
