香蕉糖-min
喺7月7日挑機市民，邀請市民同佢隻揪嘅克警 香蕉糖 鍾俊邦，佢嘅資料出現喺大埔嘅連儂隧道，竟然搞到成村警察搵邊啲Memo紙有 香蕉糖 嘅大名，然後摵晒佢。其實亨耀樓居民已經好厚道，無爆佢住邊一室，我可以咁講，呢啲濫用警力嘅行動，不單令市民鞏固對克警嘅印象，而且令全香港知道邊個係香蕉糖。
公開請人隻揪呢家嘢，同請人決鬥無異，其實點講都係錯，警方向公眾道歉並且勒令呢位無法處理自己情緒嘅人辭職，今次講隻揪，下次豈不是講格劍？大佬，唔係甘小文《太公報》果啲格劍，搞得唔好兩條友係唔係要攞槍決鬥，好似西部牛仔咁，咪膠喇。所以呢次警方不單無道歉，仲要動用大批警員撕Memo紙，完全係爛仔所為，荒謬透頂。本來好多人都唔知香蕉糖係乜水，依家真係全世界都知佢乜水，仲知佢好鍾意同人決鬥添。
但件事最膠係你依家咁高調撕Memo紙，以撕一掛十嘅報復原則，好快唔只連儂隧道，以及全港連儂牆，係周圍都有香蕉糖嘅個人資料，甚至更多個人資料，你班友係咪玩張生咁呢？呢個又係好能夠鞏固大家對香港警察嘅智慧低嘅形象。
其實香港已經好斯文，如果呢件事喺法國發生，我恐怕日日有人喺亨耀樓等佢，一係等佢同佢真係隻揪，一係搵個麻包袋包住佢然後掟佢入大垃圾桶，即係烏克蘭嘅做法，依家玩嘅，仍然係好和理非，但如果用晒任何講道理方法都無用，以依家年青人唔怕死嘅情況，就一定變成另一件事，依家只係用Memo紙招呼你，真係十分之溫和理性。
依家香港警察係完全失控，真係名副其實嘅黑警，有牌爛仔果挺嘢嚟，其實香港警察依家無法無天嘅做法，係挑戰緊香港人嘅忍耐水平，越多呢啲事件，越多人唔服警察同埋質疑和平理性非暴力嘅做法，最終就真係以暴易暴，你仲覺得你可以無穿無爛袋你份高人工兼高OT？呢班警察，真係完全無諗清諗楚。
其實呢件事，你覺得香港仲有幾多市民支持和平理性非暴力對差人，當然由戰術角度，以暴易暴實輸俾警察，但不得人心嘅佔領軍，我從來睇唔到喺戰略而言，佢哋有何戰略上嘅優勢，都係果句，一切戰爭同武力衝突，都只不過係政治嘅延續。