எண்ணெய் மற்றும் இயற்கை எரிவாயுக் கழகம் என்பது ஒரு இந்தியப் பொதுத்துறை பெட்ரோலிய நிறுவனம் ஆகும். இது ஃபார்ச்சூன் குளோபல் 500 நிறுவனத் தரவரிசையில் 152ஆவது இடம் வகிக்கிறது, மேலும் இது இந்தியாவின் கச்சா எண்ணெய் உற்பத்தியில் 77%மும், இந்தியாவின் இயற்கை எரிவாயு உற்பத்தியில் 81%மும் பங்களிக்கிறது. இது இந்தியாவில் அதிகமாக இலாபம் ஈட்டும் நிறுவனம் ஆகும். இது ஆகஸ்ட் 14, 1956 இல் ஒரு ஆணையமாக அமைக்கப்பட்டது. இந்திய அரசாங்கம் இந்த நிறுவனத்தின் 60.41% பங்கினை வைத்திருக்கிறது. இந்திய அரசின் பொதுத்துறை நிறுவனங்களில் மகாரத்னா மதிப்பைப் பெற்ற மிகப் பெரிய நிறுவனம் ஆகும். ONGC, எண்ணெயின் ஆய்வுகள் மற்றும் உற்பத்தி தொடர்புடைய நிறுவனங்களில் ஆசியாவின் மிகப்பெரிய மற்றும் மிகவும் இயக்கத்தில் உள்ள நிறுவனங்களில் ஒன்றாகும். இது இந்தியாவின் 26 படிவுக்கலன்களில் ஹைட்ரோகார்பன்களை ஆராய்வதற்காகவும் தன்னகப்படுத்தவும் உட்பட்டுள்ளது. இது இந்தியாவின் கச்சா எண்ணெய்த் தேவைகளில் 30%த்தை உற்பத்தி செய்கிறது. இது இந்தியாவில் 11,000 கிலோமீட்டர்களுக்கும் அதிகமான குழாய்த்தொடர்களைச் சொந்தமாகக்கொண்டு இயக்கிவருகிறது. சமீபகாலம் வரையிலும் இந்நிறுவனம் சந்தை முன்னணி வகிப்பதில் இந்தியாவின் மிகப்பெரிய நிறுவனமாக இருந்தது. Wikipedia