एप्पल कम्पनी एउटा अमेरिकन बहुराष्ट्रिय कम्पनी हो। एप्पलले विभिन्न किसिमका विद्युतीय सामाग्री बनाउने काम गर्छ। यस कम्पनीका उत्पादनहरु मध्ये म्याक लेपटप, आइप्याड र आइफोन युवाहरु माझ निकै चर्चित छन । एप्पलले हार्डवेयर मात्र नभएर सफ्टवेयर पनि बनाउदै आएको छ । यसका प्रमुख सफ्टवेयरहरूमा म्याक ओएस, आइ ट्युन्स, आइ-वोर्कस, एपर्चर आदि पर्छन । राजस्वको मामिलामा सामसुङ इलेक्ट्रोनिक्स् पछि एप्पल संसारकै दोश्रो ठुलो सुचना औद्योगीक कम्पनि हो तथा सामसुङ र नोकिया पछि सबैभन्दा ठुलो मोबाइल निर्माता कम्पनि हो । एप्पल कम्पनीको स्थापना १ अप्रील १९७६ मा भयो र यसको लगभग १ वर्षपछी ३ जनवरी १९७७ मा यसको नाम एप्पल कम्प्युटर आइएनसी राखियो । कम्पनीको नामबाट "कम्प्युटर" शब्द ९ जनवरी २००८ मा हटाइयो त्यही दिन एप्पल कम्पनीका संस्थापक स्टिभ जब्सले ग्राहक तथा विश्वमाझ आइफोन प्रस्तुत गरेर एप्पल कम्पनी उपभोक्ता इलेक्ट्रोनिक्स माझ ध्यान बढाइरहेको कुरा देखाएका थिए । मार्च २०१३ सम्ममा अनुमानित ४१५ बिलियन अमेरिकी डलर बजार पुँजीको साथ एप्पल संसारकै सबैभन्दा ठुलो सार्वजनिक कम्पनी बनेको छ ।२९ सेप्टेम्बर २०१२ सम्ममा एप्पल कमपनीको विश्वभरमा ७२, ८०० आधिकारिक कर्मचारी तथा ३.३०० अनाधिकारिक कर्मचारी रहेका थिए । सन् २०१२ मा एप्पलको बार्षिक राजस्व कुल १५६ बिलियन अमेरिकी डलर रहेको थियो । Wikipedia