अलिबाबा समूह होल्डिंग लिमिटेड एउटा चिनिया इ-कमर्श कम्पनी हो जसले वेभ पोर्टल मार्फत उपभोक्ता देखि उपभोक्तासम्म, व्यावसाय देखि व्यावसाय विक्रि सेवा प्रदान गर्दछ । यस इलेक्ट्रोनिक भुक्तानी सेवा, खरिद विक्रि सम्बन्धी सर्च इन्जिन तथा क्लाउड कम्प्यूटिंग सेवा समेत उपलब्ध गराउने गर्दछ । यो समूहको शुरूवात सन् १९९९ मा ज्याक माले चिनिया उत्पादकहरूलाई विदेशी खरिदकर्ताहरूसँग जोड्ने उद्देश्यले अलिबाबा डट कमबाट गरेका थिए । सन् २०१२ मा अलिबाबाको दुई पोर्टलहरूले करिब ११० खर्बको विक्रि गरेका थिए । यस कम्पनीको प्रारम्भिक पब्लिक अफरिंगको बन्द हुने समयमा यसको बजार मूल्य अमेरिकि डलर २३१ अर्ब रहेको थियो । नोभेम्बर २०१७ मा अलिबाबाको बजार पूँजिकरण ४८६.२७ अर्ब अमेरिकि डलर रहेको थियो । यो कम्पनी संसारको सबैभन्दा मूल्यवान तथा ठूला १० कम्पनीहरू मध्ये रहेको छ । अलिबाबाले सन् २०१६ अप्रिलमा वालमार्टलाई पछि पार्दै २०० भन्दा बढि देशहरूमा सञ्चालनको साथ संसारको सबैभन्दा मूल्यवान रिटेलर र ठूला इन्टरनेट कम्पनीहरू मध्ये एक भएको थियो । सन् २०१५ मा यसको अनलाइन विक्रि तथा नाफा अमेरिकाका सबै रिटेलरहरूको एकिकृत भन्दा बढि रहेको थियो । यसले आफ्नो सेवालाई मिडिया उद्योगमा विस्तार गरेको पश्चात राजस्वमा ३ अङ्कको प्रतिशत प्रति वर्षको बृद्धि भएको थियो । Wikipedia