ചൈനയിലെ ഒരു ബഹുരാഷ്ട്ര ടെലികമ്മ്യൂണിക്കേഷൻ കമ്പനിയാണ് ഇസെഡ്.ടി.ഇ കോർപ്പറേഷൻ. മൊബൈൽ, സ്മാർട്ട് ഫോണുകൾ, ടെലികമ്മ്യൂണിക്കേഷൻ അനുബന്ധ ഉപകരണങ്ങളും നിർമ്മിക്കുന്ന കമ്പനിയുടെ ആസ്ഥാനം ചൈനയിലെ ഷെൻസെനിലാണ്. 1985-ൽ പ്രവർത്തനം ആരംഭിച്ച കമ്പനി ചൈനയിൽ ടോപ് ഫൈവ് സ്മാർട്ട് ഫോൺ മാനുഫാക്ചേഴ്സറും ആഗോളതലത്തിൽ ടോപ്ടെണിൽ ഉൾപ്പെടുന്നതുമാണ്. ഇസെഡ്.ടി.ഇ ഹോങ്കോങ്ങിലും ഷെൻഷെൻ സ്റ്റോക്ക് എക്സ്ചേഞ്ചിലും ലിസ്റ്റ് ചെയ്തിട്ടുണ്ട്. വയർലെസ്, എക്സ്ചേഞ്ച്, ഒപ്റ്റിക്കൽ ട്രാൻസ്മിഷൻ, ഡാറ്റാ ടെലികമ്മ്യൂണിക്കേഷൻ ഗിയർ, ടെലികമ്മ്യൂണിക്കേഷൻ സോഫ്റ്റ്‌വെയർ, മൊബൈൽ ഫോണുകൾ എന്നിവയാണ് ഇസെഡ്.ടി.ഇ-യുടെ പ്രധാന ബിസിനസ്സ്. ഇസെഡ്.ടി.ഇ പ്രാഥമികമായി സ്വന്തം പേരിൽ ഉൽപ്പന്നങ്ങൾ വിൽക്കുന്നു, എന്നാൽ ഇത് ഒരു ഒഇഎംകൂടിയാണ്. മറ്റു രാജ്യങ്ങളെ വൻതോതിൽ നിരീക്ഷണം നടത്തുന്ന ചൈനീസ് സർക്കാരുമായുള്ള ബന്ധത്തെച്ചൊല്ലി കമ്പനി അമേരിക്ക, ഇന്ത്യ, സ്വീഡൻ എന്നിവിടങ്ങളിൽ വിമർശനം നേരിട്ടിട്ടുണ്ട്. സാമ്പത്തിക ഉപരോധങ്ങൾ ലംഘിച്ച് ഇറാനിലേക്കും ഉത്തരകൊറിയയിലേക്കും യുഎസ് സാങ്കേതികവിദ്യ അനധികൃതമായി കയറ്റുമതി ചെയ്തതിന് 2017-ൽ ഇസെഡ്.ടി.ഇയ്ക്ക് പിഴ ചുമത്തി. Wikipedia