International Business Machines Corporation, almennt kallað IBM, NYSE: IBM er bandarískt alþjóðlegt tæknifyrirtæki og ráðgjafarfyrirtæki, með höfuðstöðvar í Armonk, New York sem starfar í yfir 175 löndum. Það er opinbert fyrirtæki og eitt af 30 fyrirtækjum í Dow Jones-vísitölunni e. Dow Jones Industrial Average. IBM er stærsta iðnaðarrannsóknarstofnun í heiminum, með 19 rannsóknarstöðvar í tugum landa, sem hefur átt metið í fjölda bandarískra einkaleyfa á hverju ári 29 ár í röð frá 1993 til 2021. Útibú IBM á Íslandi var til frá 1967 til ársins 1992 þegar það var lagt niður eða varð að fyrirtækinu Nýherja. IBM er þekktast fyrir að selja tölvur, líka á Íslandi, þar á meðal fartölvur, ThinkPad, og netþjóna, en framleiðslan var seld við Lenovo. Bandaríska IBM var stofnað árið 1911 sem Computing-Tabulating-Recording Company, eignarhaldsfélag framleiðenda skráningar- og mælikerfa. Það var endurnefnt „International Business Machines” árið 1924 og varð fljótlega leiðandi framleiðandi véla fyrir gataspöld. Wikipedia