ഇൻഫർമേഷൻ ടെക്നോളജിയിൽ അധിഷ്ടിതമായി ബാംഗ്ലൂർ ആസ്ഥാനമാക്കി പ്രവർത്തിക്കുന്ന കമ്പനിയാണ് എംഫസിസ്. ഇൻഫ്രാസ്ട്രക്ചർ ടെക്നോളജി, ആപ്ലിക്കേഷൻ ഔട്ട്‌സോഴ്സിംങ് സേവനങ്ങൾ, ആർക്കിടെക്ചറൽ മാർഗ്ഗനിർദ്ദേശം, വിവിധമായ ആപ്ലിക്കേഷനുകളുടെ വികസനം അവയുടെ സംയോജനം, ആപ്ലിക്കേഷൻ മാനേജുമെന്റ് സേവനങ്ങൾ തുടങ്ങി ഒട്ടേറെ കാര്യങ്ങൾ ഈ കമ്പനി നൽകി വരുന്നു. ഈ പ്രവർത്തനങ്ങളോടൊപ്പം തന്നെ ധനകാര്യ സേവനങ്ങൾ, ടെലികോം, ലോജിസ്റ്റിക്സ്, സാങ്കേതിക വ്യവസായങ്ങൾ എന്നിവയ്ക്കു വേണ്ടിയുള്ള സേവനങ്ങളും എംഫസിസ് നൽകുന്നുണ്ട്. മികച്ച ഇന്ത്യൻ ഐടി കമ്പനികളിൽ എംഫാസിസിന് 7 ഉം, 2011 ൽ ഫോർച്യൂൺ ഇന്ത്യ 500 എംഫാസിസിന് 165 ഉം സ്ഥാനവും നൽകിയിരുന്നു. 2016 ഏപ്രിലിൽ, ഹ്യൂലറ്റ് പാക്കാർഡ് എന്റർപ്രൈസ് എംഫസിസിലെ ഭൂരിഭാഗം ഓഹരികളും ബ്ലാക്ക്സ്റ്റോൺ ഗ്രൂപ്പ് എൽപിക്ക് ഒരു ബില്യൺ യുഎസ് ഡോളറിന് വിറ്റു. Wikipedia