રેનો એસ.એ. ફ્રેન્ચ ઓટોઉત્પાદક કંપની છે, જે કાર, વાન, બસ, ટ્રેકટર અને ટ્રકનું ઉત્પાદન કરે છે. ભૂતકાળમાં તે ઓટોરેલ વાહનોનું પણ ઉત્પાદન કરતી હતી. નિસાન સાથેના તેના જોડાણને પગલે હાલ તે વિશ્વની ચોથા ક્રમની અગ્રણી ઓટો ઉત્પાદક કંપની છે. તેનું હેડકવાર્ટર બોલોન-બિલેનકોર્ટ ખાતે આવેલું છે. રેનો રોમાનિયન ઓટોઉત્પાદક ઓટોમોબાઈલ ડેસિયા અને કોરિયન ઓટો ઉત્પાદક રેનો સેમસંગ મોટર્સની માલિકી ધરાવે છે. લેબેનિઝ-બ્રાઝિલિયન કાર્લોસ ગોસન તેના હાલના સીઈઓ છે. રેનો ક્લિઓ અને રેનો લગુના એ બંને આ કંપનીની અત્યાર સુધીની સૌથી સફળ કાર છે તથા યુરોપ તેનું મુખ્ય બજાર છે. કંપની તેની વિવિધ નવતર ડિઝાઈન, સુરક્ષાત્મક ટેકનોલોજી તથા મોટર રેસિંગ માટે જાણીતી છે. Wikipedia