சோனி குழுமம் செப்பான் நாட்டிலுள்ள டோக்கியோ நகரைத் தலைமையிடமாகக் கொண்டு செயல்படும் ஒரு பன்னாட்டு நிறுவனமாகும். இந்நிறுவனம் கணினி ஊடகத் தயாரிப்புத் துறையிலும், மின்னணு சாதனங்கள் உற்பத்தியிலும் ஆதிக்கம் செலுத்தி வருகிறது. ஆண்டுக்கு சுமார் 88.7 பில்லியன் அமெரிக்க டாலர் வருவாய் ஈட்டும் சோனி நிறுவனம் மின்னணுவியல், நிகழ்படம், தகவல் தொடர்பு, நிகழ்பட விளையாட்டு துறை, தகவல் தொழில்நுட்பம் ஆகிய துறைகள் சார்ந்த சாதனங்களைத் தயாரித்து வருகிறது. குறைக்கடத்தி துறை சார்ந்த விற்பனையில் சோனி நிறுவனம் முதல் 20 இடங்களுக்குள் பட்டியலிடப்பட்டிருப்பது குறிப்பிடத்தக்கது. இந்நிறுவனம் தனது அடைமொழியாக இதுபோல் வேறொன்றுமில்லை என்ற பதத்தைக் கொண்டுள்ளது. Wikipedia