సోనీ కార్పొరేషన్ జపాన్ దేశానికి చెందిన బహుళజాతి వ్యాపార సంస్థ. దీని ప్రధాన కార్యాలయం టోక్యోలోని కొనన్ మినాటోలో ఉంది. సోనీ గ్రూప్ లో సోనీ కార్పొరేషన్, సోనీ సెమికండక్టర్ సొల్యూషన్స్, సోనీ ఎంటర్టైన్మెంట్, సోనీ ఇంటరాక్టివ్ ఎంటర్టైన్మెంట్, సోనీ ఫైనాన్షియల్ గ్రూప్ మొదలైన సంస్థలు ఉన్నాయి. సోనీని 1946 లో మసారు ఇబుక, అకియో మొరీటా కలిసి టోక్యో సుషిన్ కోగ్యో అనే పేరుతో స్థాపించారు. ఈ ఎలక్ట్రానిక్స్ దిగ్గజం ట్రాన్సిస్టర్ రేడియో TR-55, ఇంటిలో వాడే వీడియో టేప్ రికార్డర్ CV-2000, ఎక్కడికైనా తీసుకుని వెళ్ళగలిగిన ఆడియో ప్లేయర్ వాక్‌మన్, CDP-101 అనబడే సిడీ ప్లేయర్ లాంటి అనేక ఉత్పత్తులు తీసుకువచ్చింది. తర్వాత వైవిధ్యమైన వ్యాపారాల్లోకి అడుగుపెట్టింది. ఈ సంస్థ ప్రధానంగా ఎలక్ట్రానిక్స్, ఆటలు, వినోదం మొదలైన రంగాల్లో వ్యాపారాలు నిర్వహిస్తుంది. ఈ సంస్థ రెండు రకాల ఎలక్ట్రానిక్ ఉత్పత్తుల ప్రముఖ తయారీదారులు, ఒకటి - వినియోగదారుల కొరకు, రెండు - వృత్తిపరమైన మార్కెట్లు. సోనీ ఫార్చ్యూన్ గ్లోబల్ 500 యొక్క 2012 జాబితాలో 87 వ స్థానంలో ఉంది. Wikipedia