டொயோபோ கோ லிமிட்டட் என்பது ஜப்பானின் முதன்மையான இழை மற்றும் துணி உற்பத்தி நிறுவனங்களுள் ஒன்றாகும். இதில் செயற்கை இழைகள் (பாலியஸ்டர், நைலான் மற்றும் அக்ரிலிக்ஸ்) மற்றும் பருத்தி, கம்பளி போன்ற இயற்கை இழைகள் தயாரிப்புகளும் இதில் அடங்கும். டொயோபோ நிறுவனமானது நெசவு ஆடைகள், வீட்டு அலங்காரம் மற்றும் தொழில்துறைப் பயன்பாட்டிற்காக வடிவமைக்கப்பட்டுள்ளது, மேலும் ஆடைகளுக்கான செயற்கை மீளிழை நூல், பாண்டியோஸ் பாலியூரிதீன் இழைகள், காற்று காற்றுப் பைகள், மற்றும் டயர் வடங்கள் மற்றும் ஆடைகளுக்கான செயற்கை இழைகள் ஆகியவற்றையும் கொண்டிருக்கின்றன. மேலும், டொயோபோ, நூற்பு, நெசவு, பின்னல், சாயமிடுதல், தையல் தொழில்களில் ஈடுபட்டு, ஜப்பான் மற்றும் சர்வதேச அளவில் நெசவு மற்றும் வர்த்தகத்தில் ஈடுபட்டுள்ளது. டொயோபோ நெகிழி படச்சுருள்கள் மற்றும் பிசின் போன்றவற்றையும் தயாரிக்கிறது. உயிரியக்க உற்பத்தி பொருட்களான, மருத்துவ பொருட்கள் (எ.கா. செயற்கை உறுப்புகளுக்கான இழை சவ்வுகள்) மற்றும் சுத்திகரிப்பு சாதனங்கள் ஆகியவற்றையும் இந்நிறுவனம் தயாரிக்கிறது. இந்த நிறுவனம் ஜப்பான், சீனா, தென் கொரியா, சிங்கப்பூர், மலேசியா, ஆஸ்திரேலியா, ஐக்கிய அமெரிக்கா, ஜெர்மனி ஆகிய நாடுகளில் செயல்படுகிறது, மேலும் டோக்கியோ பங்குச் சந்தையில் பட்டியலிடப்பட்டுள்ளது, இது நிக்கேய் 225 பங்குச் சந்தை குறியீட்டின் ஒரு பகுதியாகும். Wikipedia