അമേരിക്കയിലെ സാൻ ഫ്രാൻസിസ്കോ ആസ്ഥാനമായ ഒരു ബഹുരാഷ്ട്ര ഓൺലൈൻ ഗതാഗത നെറ്റ്‌വർക്ക് കമ്പനിയാണ് ഊബർ. സ്മാർട്ട് ഫോൺ സൗകര്യമുള്ള ഇടപാടുകാർക്ക് ഊബർ എന്ന മൊബൈൽ ആപ് ഉപയോഗിച്ച് സ്വന്തമായി വാഹനമുള്ള യൂബർ ഡ്രൈവർമാരോട് യാത്രകൾ ആവശ്യപ്പെടാൻ സാധിക്കും. യൂബർ എന്ന കമ്പനിയാണ് ഇതിനാവശ്യമായ മൊബൈൽ ആപ് ഉണ്ടാക്കുന്നതും മാർക്കറ്റ് ചെയ്യുന്നതും ഓപറേറ്റ് ചെയ്യുന്നതും. 2019 ജൂൺ 12 -ലെ കണക്കനുസരിച്ച് യൂബർ 63 രാജ്യങ്ങളിൽ 785+ നഗരങ്ങളിൽ പ്രവർത്തിക്കുന്നുണ്ട്. യൂബറിന്റെ വരവോടെ പല കമ്പനികളും ഈ രീതി അനുകരിച്ച് ഇത്തരം കച്ചവട ഉൽപ്പന്നങ്ങൾ പുറത്തിറക്കിയിട്ടുണ്ട്. ഈ പരിപാടിയെ യൂബറിഫിക്കേഷൻ എന്ന് വിളിക്കുന്നു. കേരളത്തിൽ ഇപ്പോൾ കൊച്ചിയിലും കോഴിക്കോടും തിരുവനന്തപുരത്തും തൃശ്ശൂരിലും കോട്ടയത്തും ഈ സേവനം ലഭ്യമാണ്, ഇന്റർനെറ്റ്‌ ഉള്ള സ്മാർട്ട്‌ഫോൺ ഉപയോക്താക്കൾക്ക് വളരെ സൌകര്യ പ്രദമായി ഉപയോഗിക്കാൻ കഴിയുന്ന ടാക്സി സർവീസ് ആണ് യൂബർ, ടാക്സി ബുക്ക്‌ ചെയ്യാൻ വളരെ എളുപ്പവും, യാത്രാ നിരക്ക് കുറവും, സമയ കൃത്യതയും, കാഷ് ആയോ ഓൺലൈൻ ആയോ പണം കൈമാറാം എന്ന സവിശേഷതയും യൂബെറിനെ കൂടുതൽ ജനകീയമാക്കുന്നു. Wikipedia