ບໍລິສັດ ເດິ ວໍລ ດິສນີ ຫຼື ເອີ້ນກັນທົ່ວໄປວ່າ ດິສນີ ເປັນກຸ່ມບໍລິສັດສື່ມວນຊົນ ແລະ ຄວາມບັນເທີງຂ້າມຊາດທີ່ຫຼາກຫຼາຍຂອງອາເມຣິກາ ສຳນັກງານໃຫຍ່ຕັ້ງຢູ່ທີ່ ວໍລ ດິສນີ ສະຕູດິໂອສ໌ ຄອມເພຼັກໃນເບີແບງຄ໌, ລັດແຄລິຟໍເນຍ, ສະຫະລັດອາເມຣິກາ ດິສນີກໍ່ຕັ້ງເມື່ອ 16 ຕຸລາ ປີ 1923 ໂດຍວໍລ ແລະ ຣອຍ ໂອ. ດິສນີ ໃນຊື່ ດິສນີ ບຣາເທີສະກາຕູນສະຕູດິໂອ ບໍລິສັດຍັງດຳເນີນການພາຍໃຕ້ຊື່ ເດິ ວໍລ ດິສນີ ສະຕູດິໂອສ໌ ແລະ ວໍລດິສນີໂປດັກຊັນ ກ່ອນຈະປ່ຽນຊື່ຢ່າງເປັນທາງການເປັນ ບໍລິສັດ ເດິ ວໍລ ດິສນີ ໃນປີ 1986 ບໍລິສັດກໍ່ຕັ້ງຕົວເອງໃນຖານະຜູ້ນຳໃນອຸດສາຫະກໍາອານິເມຊັນອາເມຣິກາ ກ່ອນທີ່ຈະຂະຫຍາຍໄປສູ່ການສ້າງຮູບເງົາຄົນສະແດງ, ລາຍການໂທລະພາບ ແລະ ສວນສະໜຸກ Wikipedia