వాల్ మార్ట్ స్టోర్స్ లేదా వాల్ మార్ట్ ఐ.ఎన్.సి, ప్రపంచంలోనే అతిపెద్ద చిల్లర సరుకుల వ్యాపార సంస్థ. ఈ కంపెనీ 1969 అక్టోబరు 31 న ఆరంభించబడినది, 1962 లో సామ్ వాల్టన్ స్థాపించిన ఈ కంపెనీ 1972 లో న్యూయార్క్ స్టాక్ ఎక్స్చేంజ్ లో వర్తకం ప్రారంభించింది. దీని ప్రధాన కార్యాలయం బెన్టన్ విల్, ఆర్కాన్సాలో ఉంది. వాల్ మార్ట్ అమెరికా సంయుక్త రాష్ట్రాల్లో అతి పెద్ద చిల్లర సరుకుల వ్యాపార సంస్థగా ఉంది. 2009 లో, కిరాణా వ్యాపారం నుంచి అమెరికా సంయుక్త రాష్ట్రాల్లో $ 258 బిలియన్ల అమ్మకాలు జరిపింది. ఇది మొత్తం అమ్మకాల్లో 51%. అంతేకాక ఇది ఉత్తర అమెరికాలో సామ్స్ క్లబ్ టోకు గిడ్డంగులను నిర్వహిస్తోంది. వాల్ మార్టుకు 55 వివిధ పేర్లతొ, 15 దేశాలలో 8.500 దుకాణాలు ఉన్నాయి. ఈ కంపెనీ 50 సంయుక్త రాష్ట్రాలు, ప్యూర్టో రికో సహా, యునైటెడ్ స్టేట్స్ లో తన సొంత పేరుతో వ్యాపారం నిర్వహిస్తోంది. ఇది భారతదేశంలో బెస్ట్ ప్రైస్ గా, జపాన్ లో సేయుగా, యునైటెడ్ కింగ్డమ్ లో ఆస్డాగా, మెక్సికోలో వాల్-మెక్స్ గా పనిచేస్తుంది. ఆర్జెంటినా, బ్రెజిల్, కెనడాలో కార్యకలాపాలకు ఇది పూర్తిగా యజమాని. ఉత్తర అమెరికా వెలుపల వాల్ మార్ట్ యొక్క పెట్టుబడులు మిశ్రమ ఫలితాలను కలిగివున్నాయి: యునైటెడ్ కింగ్డమ్, దక్షిణ అమెరికా, చైనా, దాని కార్యకలాపాలు అత్యంత విజయవంతమైయ్యాయి, అయితే జర్మనీ, దక్షిణ కొరియాలో సంస్థలు విజయవంతం కాలేదు. Wikipedia