Իմացեք, թե երբ, որտեղ և ինչպես ենք մենք համայնապատկերներ հավաքում
Դիմավորեք Street View-ի գունագեղ սարքավորումները և իմացեք, թե ինչպես ենք մենք հավաքում 360° պատկերները՝ աշխարհի քարտեզը հարստացնելու համար։
Լուսանկարների աղբյուրները
Որտեղ ենք այս ամիս
Մենք վարում ենք և տեսանկարահանում ամբողջ աշխարհում՝ ներկայացնելով պատկերներ, որոնք ընդլայնում են ձեր փորձառությունը և օգնում բացահայտել աշխարհը։ Եթե ուզում եք ողջունել մեր թիմին, իմացեք այստեղ, թե երբ են նրանք լինելու ձեր կողմերում։
../../streetview/static/feed/driving/data.json
| Date | District |
|---|
Եղանակային պայմաններից, ճանապարհային աշխատանքներից և այլ հանգամանքներից կախված՝ որոշ վայրեր մեր մեքենաների համար կարող են անհասանելի լինել, և ըստ այդմ կարող են փոփոխվել նկարահանումների ժամկետները։ Նաև ուշադրություն դարձրեք, որ երբեմն քաղաքը նշելով՝ նկատի ենք ունենում նաև մոտակա ավելի փոքր քաղաքներն ու գյուղերը։
Թիմ, որը պատրաստ է բացահայտելու աշխարհի հրաշալիքները
Մենք այցելել ենք աննկարագրելի վայրեր բոլոր յոթ մայրցամաքներում և դեռ ավելին ենք հրապարակելու։ Նախքան ճանապարհ ընկնելը մենք հաշվի ենք առնում բազմաթիվ գործոններ, այդ թվում՝ տեղանքի ռելիեֆը, բնակլիմայական պայմանները և բնակչության խտությունը, որպեսզի պատշաճ թիմ հավաքենք և կատարյալ պատկերներ ստանանք։
Street View ավտոմեքենա
Trekker
Քարտեզների կենդանացում
Նկարահանում
Ամեն ինչ սկսվում է նկարահանումից։ Որակյալ պատկերներ ստանալու համար մենք մանրազնին ուսումնասիրում և ընտրում ենք նկարահանման վայրը՝ հաշվի առնելով եղանակը, բնակչության խտությունը և մի շարք այլ գործոններ:
Պատկերների տեղանշում
Պատկերները քարտեզի վրա ճիշտ տեղանշելու համար մենք օգտագործում ենք ավտոմեքենայի վրա ամրացված հատուկ տվիչների ազդանշանները, որոնք հավաքում են GPS արբանյակների տվյալներն ու չափում շարժման արագությունը և ուղղությունը: Ստացված տվյալներն օգնում են մեզ վերականգնել ավտոմեքենայի երթուղին և անհրաժեշտության դեպքում նույնիսկ փոխել պատկերների դիրքը և տեղանշումը:
360° լուսանկարների ստեղծում
Բացերից խուսափելու համար հարակից ֆոտոխցիկները նկարահանում են վրադրվող պատկերներ, այնուհետև լուսանկարները միացվում են իրար և ստացվում է 360 աստիճան շառավղով պատկեր: Միացված լուսանկարները մշակվում են հատուկ ալգորիթմի միջոցով, որի արդյունքում կրկնվող հատվածները հեռացվում են, և համայնապատկերն ընդունում է վերջնական ու առանց ընդհատումների տեսք:
360° լուսանկարների ստեղծման տեխնոլոգիան
Նկարահանող ավտոմեքենայի և շենքերի կամ այլ օբյեկտների միջև հեռավորությունը չափվում է մեքենայից դեպի օբյեկտներ արձակվող լազերների միջոցով։ Լազերային տվիչների ցուցանիշների հիման վրա ստեղծվում է աշխարհի եռաչափ մոդելը։ Երբ Street View-ում մկնիկի նշորդը տեղափոխում եք հեռավոր մի կետի վրա, այս մոդելն օգնում է ստանալ տվյալ վայրի լավագույն համայնապատկերը