Virtuele sleutelbord

Virtuele sleutelbord, of "skerm"-sleutelbord, laat jou op 'n maklike en bestendige wyse direk in jou plaaslike taal se skrif tik, ongeag waar jy is of watter rekenaar jy gebruik. 'n Paar algemene gebruike van virtuele sleutelborde sluit in:

• Om 'n persoon toe te laat om in hul eie taal op 'n buitelandse sleutelbord te tik - soos wanneer die persoon reis of in 'n ander land woon,
• Om 'n meer toeganklike tikervaring moontlik te maak deur die persoon toe te laat om met skerm-klikke te tik,
• Om 'n vinnige, maklike manier te voorsien om tussen verskillende karakterstelle en/of alfabette te wissel.

Virtuele sleutelbord sluit meer as 100 sleutelborde vir meer as 70 tale in. Kyk hierdie tutoriaalvideo om te leer hoe om virtuele sleutelbord te gebruik. Probeer dit ook aanlyn.

Om 'n virtuele sleutelbord te gebruik, moet mens eers Invoernutsgoed aktiveer. Volg instruksies om Invoernutsgoed in Search, Gmail, Google Drive, YouTube, Translate, Chrome en Chrome-bedryfstelsel te aktiveer.

Virtuele sleutelborde word verteenwoordig deur 'n sleutelbordikoon . Klik op die ikoon om die huidige IME aan of af te skakel of klik op die pyltjie langs dit om 'n ander invoernutsding te kies. Wanneer 'n virtuele sleutelbord geaktiveer is, word die knoppie 'n donkerder grys .

Gebruik die virtuele sleutelbord deur op jou eie sleutelbord te tik asof dit die virtuele sleutelbord is, of deur die sleutels op die virtuele sleutelbord direk met jou muis te klik.

Om die skerm-sleutelbord te minimeer, kan jy op die pyltjie regs bokant die skerm-sleutelbord klik.